اخص ع الشنبات

بنت زى الفل تتعرض واحد .....يضايقها و تكافح لغاية ما توديه القسم .... و يتقال لها هتبهدلى نفسك !!!!!!!! بالذمة ده منطق؟؟؟ معاقبة المجنى عليه و توبيخه ، اكيد الضحية هى السبب ..ما دام ست تبقى هى السبب

فين بقى الرجالة مفيش....و احسن على فكرة

بس ياريت حد يفهم جيل الولاد الصغيرين اللى لسه ما اتلوثوش ان فيه حاجة اسمها عيب زى ما فيه حلال و حرام فيه حاجة اسمها نخوة و شهامة كانت زمان موجودة ......... بس راحت... ضاعت مننا و احنا بندور على حاجات هايفة و مضيعين كل حاجة حلوة فى حياتنا ، لغاية ما الحق ضاع و احنا مش بس ما بنحاولش نرجعه ده احنا بنقف قدامه مش معاه

عليه العوض